Talba għal deċiżjoni preliminari magħmula mill-Verwaltungsgericht Schwerin (Il-Ġermanja) fit-28 ta' Lulju 2008 — Krzysztof Pesla vs Justizministerium Mecklenburg-Vorpommern
(Kawża C-345/08)
(2008/C 260/15)
Lingwa tal-kawża: Il-Ġermaniż

Qorti tar-rinviju
Verwaltungsgericht Schwerin

Partijiet fil-kawża prinċipali
Rikorrent: Krzysztof Pesla.
Konvenut: Justizministerium Mecklenburg-Vorpommern.

Domandi preliminari
1)
Huwa kompatibbli ma' l-Artikolu 39 KE li dikjarazzjoni ta' ekwivalenza fis-sens ta' l-Artikolu 112a(1) u (2) tad-Deutsches Richtergesetz (Liġi dwar l-Ġudikatura) tingħata biss jekk mid-dokumenti ppreżentati jirriżulta li ċ-ċittadin Komunitarju għandu l-istess għarfien u kapaċitajiet eżaminati permezz ta' eżami (fil-liġi Ġermaniża) fis-suġġetti obbligatorji fis-sens ta' l-Artikolu 5(1) tad-Deutsches Richtergesetz?
2)
Fil-każ ta' risposta negattiva għall-ewwel domanda: l-Artikolu 39 KE jipprovdi li l-uniku kriterju ta' evalwazzjoni ta' ekwivalenza konformi mad-dritt Komunitarju huwa jekk id-diploma universitarja taċ-ċittadin Komunitarju, miksuba fl-Unjoni Ewropea, flimkien ma' attestazzjonijiet oħra ta' taħriġ u ta' esperjenza professjonali, hijiex komparabbli, mill-aspett tal-livell ta' taħriġ (intellettwali) u l-ħidma li ssir f'dan ir-rigward, għall-ewwel eżami fil-liġi ta' l-Istat Ġermaniż?
3)
Fil-każ ta' risposta negattiva wkoll għat-tieni domanda: huwa kompatibbli ma' l-Artikolu 39 KE li d-dikjarazzjoni ta' ekwivalenza fis-sens ta' l-Artikolu 112a(1) u (2) tad-Deutsches Richtergesetz xorta waħda tkun ibbażata, mill-aspett tal-kontenut, fuq is-suġġetti obbligatorji ta' l-ewwel eżami ta' l-Istat (fil-liġi Ġermaniża), iżda li, fid-dawl tat-taħriġ legali li jkun diġà sar b'suċċess x'imkien ieħor, fit-territorju tal-Komunità, timponi biss rekwiżiti xi ftit “iktar baxxi”?

Full & Egal Universal Law Academy